بیجنگ7جنوری(آئی این ایس انڈیا)تائیوان کی صدر تسائی اِنگ وین جنوبی امریکا کے دورے پر روانہ ہو گئی ہیں، جب کہ جاتے اور واپسی پر امریکا میں ان کے مجوزہ ٹرانزٹ پر بیجنگ حکومت نے برہمی کا اظہار کیا ہے۔ اپنے اس دورے میں تائیوانی صدر ہونڈوراس، نِکاراگووا، گوئٹے مالا اور ایل سلواڈور جائیں گی۔ اس سفر پر روانگی سے قبل تسائی اِنگ وین نے کہا کہ اس دورے کا مقصد بین الاقوامی برادری کو یہ باور کروانا ہے کہ وہ تعاون کے لیے ایک بااعتماد ملک ہے۔ اپنے اس دورے پر جاتے ہوئے اور واپسی پر تائیوانی صدر ہیوسٹن اور سین فرانسِسکو میں رکیں گی، اس پر بیجنگ حکومت کو سخت اعتراضات ہیں۔